🔹 Birbaşa gömrük təmsilçiliyi
Təmsilçi sizin adınızdan və sizin mənafeyiniz üçün fəaliyyət göstərir. Bunun üçün müvafiq səlahiyyət sənədi, o cümlədən etibarnamə tələb olunur.
🔹 Dolayı gömrük təmsilçiliyi
Təmsilçi sizin tapşırığınızla, lakin öz adından və sizin mənafeyiniz üçün fəaliyyət göstərir. Bu halda gömrük nəzarəti və rəsmiləşdirilməsi zamanı müstəqil şəkildə mal keçirən şəxsin vəzifələrini yerinə yetirir və onun kimi məsuliyyət daşıyır.
🔹 Səlahiyyət sənədi vacibdir
Gömrük təmsilçisi hansı şəxsin mənafeyinə fəaliyyət göstərdiyini və təmsilçiliyin birbaşa, yoxsa dolayı olduğunu gömrük orqanına bildirməlidir. Gömrük orqanı müvafiq səlahiyyətin verildiyini təsdiqləyən sənədi tələb edə bilər.
🔹 Gömrük rəsmiləşdirilməsi üzrə mütəxəssislər
Müvafiq ixtisas attestatı olan mütəxəssislər dolayı gömrük təmsilçiliyini həyata keçirən hüquqi şəxsin adından gömrük rəsmiləşdirilməsi ilə bağlı hərəkətləri yerinə yetirə bilərlər.
⚠️ Sahibkar üçün əsas məsələ:
Gömrük bəyannaməsində səhv məlumat, yanlış gömrük dəyəri və ya digər problem yarandıqda, təmsilçilik formasının və səlahiyyətlərin düzgün müəyyən edilməsi hüquqi baxımdan mühüm əhəmiyyət daşıyır.
📌 Gömrük əməliyyatında sənəd imzalamazdan əvvəl 3 məsələni yoxlayın:
1️⃣ Təmsilçim kimdir?
2️⃣ Mənim adımdan, yoxsa öz adından çıxış edir?
3️⃣ Hansı səlahiyyət və məsuliyyət ona verilib?
⚖️ Gömrükdə düzgün təmsilçilik — sonradan yaranacaq hüquqi və maliyyə risklərinin qarşısının alınmasının mühüm hissəsidir.
#Gömrük #GömrükHüququ #GömrükTəmsilçisi #GömrükRəsmiləşdirilməsi #İdxal #İxrac #Sahibkar #GömrükMəcəlləsi #GömrükBrokeri #HüquqiYardım #Vəkil #AzərbaycanHüququ #AvukatAz #VNPartners